إلى أصغر سجينة...

عَلّمِينا الثّورَةَ يا صَغِيرتِي..
أيقظِي السباتَ فِينــَا..
اجْهرِي بِحقيقةِ أمرِنــــا,
أعلني الكفر بنـــا,
وبِشِعرنَـــا,
وبٌخينـــــا..
لا تقرئي تاريخنــا,
لا تصفحي عنــّا,
ولا تكافئينــــا..
فنحن غيرنا معاني المفردات..
ونحن من ذبح الفرات..
لنجعل الإذعان.. ثورهْ..!
والجهل.. فكرهْ..!
وطأطأة الرؤوسِ مُناورات..
لا تصفحي عنــــا,
ولا تكافئينــــا..
فإننا اخترنا الجلوس
واكتفينا بالخُطبْ..
حينما الوطنُ اغتُصِبْ..
وإننا كذبةٌ...

فلا تصدقينا...
أرسمينا لوحة مجردهْ,
بها كرسيّ ودميهْ..
وحفنةُ شِعاراتْ..
واقرئي على أوطاننا
فاتحة الكتابِ..
وما تيسر من الآياتْ...



التوقيع: فـاتــــن
____________________________________________

نهدرز

قبل كل شيء... كل عام وانتم بخير ... عيدكم مبارك.. وينعاد عليكم بالصحة والعافية..

أولا : خبر على السريع..

إلى من يهمه الأمر...
راني نجحت في الامتحان اللي قريتله اني وميسي

_ اللي ما يعرفش الاخت ميسي_ نزلت عليها بوست كامل ... هككككككي كبره_

حلو شعور النجاح خاصة بعد بذل محهود _ واكيد ليه طعم عير لما تكون تستنى في فرصة ليك سنتين وشوية فكة.. بس بش تقدر تدير امتحان قبول..

رغم اني استنيت سنتين... " قبل كنت نقول ضاعوا مني سنتين" .. بس لما نسرح شوية بتفكيري نشكر ربي علي كل شيء..

وخاصة اني استفدت منهم و ما ضيعتش السنين هاذي عالفاضي.....

ثانيا:

المدة اللي فاتت بجديات اهملت مدونتي ... وماكانش عندي وقت.. أو هكي كنت نقنع في نفسي... صح مشغولة بس بيني وبينكم عندي كذا فكرة تخطر في بالي لبوست نبي ننزله.. لكن بعدين يضربني نوع من البخل.. اللي مش عارفة نصنفه .. ونضربها طناااااااااااااااش..

وتوة حاليا.. اني أعتذر لمدونتي.. وللناس اللي بتعدي من حدانا.. عشان يصبحوا أو يمسوا.. أو يشوفوا بوادر نشاط تبشر ب بوست جاي...
يعني بالعربي كذه اعتذر لابتعادي في المدة الفائتة.. اعتذر لكل من ذي له_ ماوس كليك _ و ريكويس ماي بلوق_

ثالثا:

هذا بوست عيادي... وهدرازي ... و سنعود بعد قليل...

رابعا:

اكيد لاحظتوا اني مصابة بارتفاع نسبة الخرط في التدوينة .. لكن مش مستعصي..
والسبب اني نعسانة .. و الهيئة أعراض رشح..

خامسا:

الانترنت اليوم كيف رجع... ايه اليوم..

وهذا البوست احتفالا بالمناسبة السعيدة... بعد فراق... وانقطاع مسنمر.. وبطء قاتل في الاتصال.. ولوعة الحرمان..

وربنا يجازي اللي في بالي..

وهنأ أحب أن أقول ان صدمة الفرحة... هي السبب في أي كثرة حكي بلا طعمة.. أو رغي .. مسيطرة على البوست هذا..

رابعا:

توة سلامات وراجعة ثاني ان شاء الله..

خامسا:

بس..

سادسا :

تميت كلامي ..


وتصبحو علي خير...

ميسي

رمضانكم مبارك...

لو لاحظتوا المدة اللي فاتت كنت غايبة عن مدونتي وعن عالم التدوين بصفة عامة..

السبب...!

عندي امحان قبول.. نقرا في منهج 6 مواد.. لين عيوني طلعوا... مش هلبة راهوا حرام الكذب..

المهم بين القراية والكوجينة.. ومرة مرة نخلي كتاباتي ... ونمشي ندير دورة ونوليلهم...

ومرة من المرات نجي نلقى عمتك ميسي سخفت علي المنهج متع النوميريكال وقعمزت تقراله..

مشيت شن درت طبعا... لازم من دليل ادانة.. بالجرم المشهود... شديتها متلبسة..

وهاذي الصور...

وقولي مش اني يا ميسي...

والتعليق ليكم....